GENERAL SANTOS CITY- Na intercept sa Western Mindanao Naval Command (WMNC), nga sakay sa BRP Herminigildo Yurong (PG-906), ang usa ka motorized fishing vessel nga gikargahan og β±16 million nga kantidad sa smuggled tobacco products niadtong nakalabayng adlaw bahin sa Nara Point, Kalamansig, Sultan Kudarat.
Nakita ang barko, nga F/B 3 Sisters, nga adunay lima ka tripulante, nga nagdalag 280 ka master case sa undocumented tobacco ug nasayran nga gikan matud pa kini sa Indonesia.
Ang operasyon gihimo uban sa koordinasyon sa Bureau of Customs (BOC) Zamboanga City.
Sa pagkakaron giturn over na ngadto sa Naval Station Romulo Espaldon sa Zamboanga City, ang nasampit nga mga smuggled products alang sa dugang legal nga proseso.
