MALAYBALAY CITY- Nag viral online ang insidente nga pagpanumbag ngadto sa usa ka batan-ong lalaki kinsa gitabangan ug kulata sa laing mga batan-on nga gituohang miyembro sa usa ka gang didto sa Sayre Highway, atubangan mismo sa Oval Ground, Barangay Poblacion, Valencia City, Bukidnon
Sa exclusive nga pakighinabi sa Juander Radyo Malaybalay, gikumpirma ni PMAJ Jayvee G. Babaan, spokesperson sa Bukidnon Police Provincial Office nga mga Out-of-School Youth ang nalambigit sa maong pagpangulata kung asa girespondihan gilayon sa mga PNP personnel niadtong panahona.
Gipadayag usab ni PMAJ Babaan nga hangtod karon wala pay pormal nga complainant sa maong panghitabo apan padayon ang ilang gihimong imbestigasyon aron masuta ang tinuod ug mapalig-on ang proteksyon sa mga kabatan-onan sa syudad sa Valencia batok sa mga gang nga naghatag kagubot og kasamok sa komunidad.
