𝗡𝗘𝗚𝗢𝗦𝗬𝗔𝗡𝗧𝗘 𝗡𝗔𝗡𝗚𝗛𝗨𝗟𝗚𝗔 𝗦𝗜𝗞𝗢𝗣, 𝗛𝗜𝗡𝗨𝗡𝗚𝗗𝗔𝗡 𝗣𝗔𝗡𝗔𝗚𝗕𝗔𝗡𝗚𝗜 𝗦𝗔 𝗬𝗨𝗧𝗔

IPIL- Gisikop ang usa ka negosyante pinaagi sa mga personahe sa Ipil Municipal Police Station, human kini nanghulga gamit ang armas sa Purok Sampaguita B, Barangay Don Andres, Ipil, Zamboanga Sibugay kahapong adlawa July 10, 2025.

Nasayran nga ang suspek usa ka 42 anyos nga lalaki, ug residente sa maong lugar, samtang ang biktima nailang usa ka 50-anyos nga fish vendor, minyo, ug nagpuyo sa Purok Morning Glory sa susamang Barangay.

Base sa imbestigasyon, mitambong ang duha sa usa ka reconciliation meeting sa Barangay Hall sa Don Andres, aron sulbaron ang ilang panagbangi sa yuta, apan human sa meeting nisangko sa usa ka mainit nga panaglalis sa gawas sa Barangay Hall og gibunlot sa suspek ang usa ka caliber .38 revolver dayong tion ngadto sa biktima.

Sa gipahigayong pagresponde sa mga sa sakop sa Zamboanga Sibugay Provincial Cybercrime Response Team, nadakpan ang suspek og nasakmit ang armas nga walay serial number nga may sulod nga lima (5) ka buhing bala.

Nakasinati og heart attack ang inahan sa suspek nga misulay pagbadlong sa suspek hinungdang gidali kini og dala sa hospital alang sa medikal nga atensyon. Ang suspetsado mag atubang og kasong Grave threat tungod sa paglapas sa RA 10591 o Comprenhensive firearms and Ammunition Act.