TAGUM CITY- Nasayrang gawas sulod na sa prisuhan ang mga suspek nga mitulis-patay sa 19 anyos, nga dalaga nga napalgan na lamang alas 5:30 sa buntag sulod sa iyang kwarto nga wala nay kinabuhi sa Purok 3-A Barangay La Filipina, Tagum City, Davao del Norte, niadtong Hulyo 9, 2025.
Base sa imbestigasyon sa Tagum City Police Station, ang tulo ka miyembro sa akyat bahay lakip na ang ilang leader nga 18 anyos kinsa suspek sa pagpatay sa 19 anyos nga estudyante, aduna nay record sa Women and Children’s Protection Desk kon WCPD nga naga pangawat sa ilang lugar sa Maragusan Davao de Oro.
Sumala pa ni PLT Col. Frederick Deles, ang OIC Acting Chief sa Tagum City Police Station, misulti nga ang trabaho sa mga suspetsado matud pa ang pagpanaka sa mga kabalayan aron mangawat.
Dugang ni Deles nga sukad nihawa ang mga suspek gikan sa ilang Barangay ug mibalhin na og pinuy-anan sa dakbayan sa Tagum diin tuyo na nga makapang biktima sa ug maka kuwarta sila og dako pinaagi sa pagpanghilabot.
Gipasabot ni Deles nga nabalaka ang katawhan sa Tagum nga daghan na usab ang mireklamo human gipangsaka sa mga suspek ang ilang mga balay ug nagtuo usab ang opisyal nga posibleng aduna pay kauban ang maong mga suspetsado.
