𝗗𝗜𝗖𝗧 𝗨𝗚 𝗗𝗘𝗣𝗘𝗗 𝗧𝗨𝗠𝗢𝗡𝗚 𝗡𝗚𝗔 𝗠𝗔𝗞𝗔𝗕-𝗢𝗧 𝗔𝗡𝗚 𝗜𝗡𝗧𝗘𝗥𝗡𝗘𝗧 𝗖𝗢𝗡𝗡𝗘𝗖𝗧𝗜𝗩𝗜𝗧𝗬, 𝗦𝗔 𝗧𝗔𝗡𝗔𝗡𝗚 𝗣𝗔𝗠𝗣𝗨𝗕𝗟𝗜𝗞𝗢𝗡𝗚 𝗧𝗨𝗡𝗚𝗛𝗔𝗔𝗡 𝗞𝗔𝗥𝗢𝗡𝗚 𝗧𝗨𝗜𝗚𝗔

Magtinabangay ang Department of Education (DepEd) ug ang Department of Information and Communications Technology (DICT) aron makab-ot ang tumong nga adunay internet connectivity ang tanang pampublikong tunghaan.

Matud pa gihingusgan kini sa dili pa matapos ang kasamtangang tuig 2025, hinongdan nga gipadali kini aron makab-ot ang hingpit nga internet connectivity sa mga pampublikong tunghaan sa Pilipinas.

Ang Department of Education (DepEd) sa pakig-alayon sa Department of Information and Communications Technology (DICT) nagtuo nga posible kini ilabi na nga pormal nang gilusad ang Phase 2 ug 3 sa National Fiber Backbone bag-ohay lang nga gipangulohan ni Presidente Ferdinand ‘Bongbong’ Marcos Jr.

Ang pagpalapad sa National Fiber Backbone nga programa sa gobyerno naglakip sa pagdugang sa 31 ka bag-ong connection points sa Luzon, Visayas ug Mindanao aron mapausbaw ang bandwidth ug digital access sa mga probinsiya, mga opisina sa gobyerno, ug mga pampublikong tunghaan sa Geographically Isolated ug Disadvantaged Area (GIDA). Kini nga inisyatiba makabenepisyo sa kapin sa 600 ka government sites ug 17 milyones ka Pilipino.