Gikatakdang mobiyahe sa US ang economic team ni Presidente Ferdinand Marcos Jr. aron makigtagbo kang US President Donald Trump. Kini nunot sa sulat ni Trump nga nagpahamtang ug 20 porsiyento nga taripa sa mga produkto sa Pilipinas epektibo karong Agosto 1 ning kasamtangan nga tuig.
Si Presidential Assistant on Investment and Economic Affairs Secretary Frederick Go, niingon nga pangunahan niya ang delegasyon uban nila ni Trade Secretary Chris Roque, Secretary Perry Rodolfo ug Undersecretary Allan Gepty.
Matud ni Go nga sunod semana na ang ilang plano alang sa round-table negotiation. Gipasiugda niya nga epektibo ang panag-istoryahanay face to face.Dugang niini nga buhaton nila ang tanan aron maminusan ang gipahamtang nga taripa.
