𝗠𝗢𝗦𝗧 𝗪𝗔𝗡𝗧𝗘𝗗 𝗣𝗘𝗥𝗦𝗢𝗡 𝗡𝗔𝗗𝗔𝗞𝗣𝗔𝗡 𝗦𝗔 𝗗𝗔𝗩𝗔𝗢 𝗗𝗘𝗟 𝗡𝗢𝗥𝗧𝗘 𝗦𝗔 𝗞𝗔𝗦𝗢𝗡𝗚 𝗣𝗔𝗚𝗣𝗔𝗡𝗚𝗟𝗨𝗚𝗢𝗦

TAGUM CITY- Nadakpan sa mga owtoridad ang usa ka 34-anyos nga lalaki nalista ubos sa Most Wanted Person sa gikasang Joint operation nga gipahigayon sa Barangay Tibal-og, Santo Tomas niadtong nakalabay nga adlaw.

Giila sa kapulisan ang suspek nga si alyas Jay, laborer ug residente sa Purok 5, Barangay Kinamayan, Santo Tomas, Davao del Norte. Nasikop ang suspetsado mga alas 3:00 sa hapon, pinaagi sa hiniusang pwersa sa Santo Tomas Municipal Police Station, Criminal Investigation and Detection Group (CIDG), Davao del Norte Provincial Field Unit og sa pakigtambayayong sa nagkadaiyang departamento sa kapulisan sa Davao del Norte.

Ang pagkasikop pinasukad sa warrant nga giisyu ni Honorable Judge Minerva Paqueo Pepino-Estremos sa Regional Trial Court, Branch 3 sa Panabo City, ubos sa 11th Judicial Region nga pinetsahan, Hunyo 16, 2025, nga nag-akusar sa suspetsado sa kasong Qualified Rape ubos sa naka docket nga Criminal Case number nga walay girekomendang piyansa alang sa temporaryong kagawasan niini.