Padayon nga nagpatuman og regular nga price monitoring ang Department of Trade and Industry Davao Oriental Provincial Office sa mga Basic Necessities and Prime Commodities isip kabahin sa ilang mandato sa pagpanalipod sa mga konsumidor.
Lakip sa mga produktong kanunayng gibantayan sa DTI ang mga de-latang isda ug uban pang processed food products, bottled water, instant noodles, kape, laundry soap, detergent, pan ug uban pang mga produkto nga sakop sa ilang price monitoring.
Base sa resulta sa ilang monitoring, nagpabiling lig-on ang presyo sa mga produktong gibantayan ug wala usab nakit-an nga mga establisyemento nga nakalapas sa Suggested Retail Price kun SRP nga sakop sa mandato sa DTI.
Samtang, giawhag sa DTI Davao Oriental ang publiko nga magpabiling mabinantayon ug ireport ngadto sa pinakaduol nga opisina sa DTI ang bisan unsang dili normal nga pagsaka o posibleng paglapas sa mga regulasyon sa presyo.
Photo courtesy: DTI Davao Oriental










