Kinatibuk-ang 1,440 ka benepisyaryo sa munisipyo sa Baganga, Davao Oriental ang nakadawat og tag-₱4,000 nga pinansyal nga ayuda alang sa ikatulo ug ikaupat nga quarter pinaagi sa DSWD UPLIFT Cash Assistance Program.
Tumong sa maong programa nga mahatagan og dugang pinansyal nga suporta ang mga benepisyaryo aron makatabang sa ilang nagkadaiyang panginahanglan ug pang-adlaw-adlaw nga panginabuhi-an.
Samtang, gipadayon sa lokal nga pangagamhanan sa Baganga ang pagpatuman sa mga programa ug serbisyo nga nagtumong sa pagtabang ug paghatag og kahupayan sa mga pamilyang nanginahanglan.
Gilauman nga pinaagi sa maong ayuda, matabangan ang mga benepisyaryo sa pag-atubang sa ilang mga gastuhon ug uban pang panginahanglan sa ilang tagsa-tagsa ka panimalay.
Photo courtesy : LGU Baganga










