Gipahigayon sa Digos City Gymnasium ang programang Healthy Body, New Life, nga nagtumong sa paghatag og aftercare interventions sa mga indibidwal nga nakahuman na sa rehabilitasyon ug anaa sa proseso sa pagbalik sa komunidad.
Tumong niini nga matabangan sila sa pagpadayon sa positibong pagbag-o ug paglikay sa pagbalik sa bisyo. Matud ni Elimie Vivas, Officer-in-Charge sa City Social Welfare and Development Office o CSWDO Digos, padayon ang ilang suporta sa mga indibidwal nga naningkamot sa pagsugod og bag-ong kinabuhi.
Pinaagi sa maong programa, gilauman nga mas mapalig-on ang ilang paglaom, pagsalig sa kaugalingon, ug kahigayonan nga mahimong produktibong miyembro sa komunidad.










