Narescue matud pa sa mga barangay tanod sa Barangay Poblacion North, Polanco, Zamboanga del Norte ang tulo ka kabaw nga naanod sa baha kaganihang buntag Nobyembre 21, 2026.
Base sa gipost nga pahibalo ni Gmae Cajocon sa social media, duha ka baye ug usa ka laki nga kabaw ang nakit-an ug gidala sa lugar duol sa Iglesia ni Cristo Church aron ma claim sa tag-iya. Aduna pa usab laing usa ka kabaw nga wala pa makuha ug posibleng nasangit sa pikas bahin sa suba.
Giawhag ang mga tag-iya sa maong mga kabaw nga moduol sa mga barangay tanod o sa lugar diin gipabilin ang mga hayop aron sa pag-claim.
𝐏𝐡𝐨𝐭𝐨 𝐂𝐨𝐮𝐫𝐭𝐞𝐬𝐲: 𝐆𝐦𝐚𝐞 𝐂𝐚𝐣𝐨𝐜𝐨𝐧










