Patay ang usa ka 29-anyos nga lalaki nga residente sa P-2B, Kiharong, Maramag, Bukidnon, human kini madisgrasya samtang nagmaneho sa iyang Honda XRM nga motorsiklo nga walay nakataod nga plaka didto sa P-7, Kiharong, Maramag pasado alas-10:00 sa gabii niadtong Nobyembre 18, 2026.
Base sa inisyal nga imbestigasyon sa Maramag Municipal Police Station (MPS), pauli na unta ang biktima sa ilang panimalay dihang nahitabo ang insidente, ug dali pa kining gidala sa iyang mga kabanay sa Bukidnon Provincial Hospital–Maramag apan gideklara nang Dead on Arrival (DOA) sa nag-atiman nga doktor tungod sa grabeng samad sa ulo.
Gipasabot sa mga kabanay ngadto sa kapulisan nga wala dayon sila nakataho sa insidente tungod kay giuna nila ang pagtabang ug pagdala sa biktima sa tambalanan sa paglaum nga maluwas pa kini
Nagpadayon pa ang imbestigasyon sa Maramag MPS sa dapit nga nahitaboan aron masuta ang hingpit nga hinungdan sa maong disgrasya
Photo courtesy: Maramag Municipal Police Station










