Dakpan ang usa ka 48-anyos nga lalaki nga giila lamang sa alyas “Alex” human kini masikop sa kapulisan atol sa Search Warrant Operation sa iyang pinuy-anan sa Barangay Visayan Village, Tagum City, alas-5:36 sa buntag niadtong Nobyembre 17, 2026.
Gipahigayon ang operasyon sa mga sakop sa Tagum City Police Station kauban ang 1st Davao Norte Provincial Mobile Force Company, subay sa Search Warrant nga gipagawas sa Executive Judge sa Regional Trial Court, 11th Judicial Region, Branch 30.
Narekober sa operasyon ang siyam ka heat-sealed transparent plastic sachets nga adunay sulod nga gituohang shabu ug usa ka itom nga pouch. Gibanabana nga walo ka gramo ang gibug-aton sa maong ilegal nga droga, nga nagkantidad og 54,400 kapesos base sa Standard Drug Price.
Karon atubangon sa suspetsado ang kasong paglapas sa Section 11, Article II sa Republic Act 9165 o Comprehensive Dangerous Drugs Act of 2002.










