Opisyal nang giablihan Huwebes, Nobyembre 19, 2026, ang selebrasyon sa Pyagsawitan Festival 2026 sa lungsod sa Maragusan, Davao de Oro isip kabahin sa pagsaulog sa ika-49 nga Araw ng Maragusan.
Gipasiugda sa maong pista ang kadagaya sa ani, ingon man ang kultura ug tradisyon sa mga tribung Mansaka ug Mandaya nga kabahin sa identidad sa lungsod.
Usa sa mga dagkong kalihokan ang Mass Dance Competition diin 21 ka contingents gikan sa nagkadaiyang elementary schools sa Maragusan ang magpasundayag sa ilang talento ug interpretasyon sa kultura pinaagi sa sayaw.
Gidugang usab sa mga kalihokan ang Indigenous Peoples o IP Food Competition nga magpakita sa tradisyonal nga pagkaon ug mga kultural nga kabilin sa lumadnong komunidad.
Magpadayon ang Pyagsawitan Festival hangtod Nobyembre 25, 2026, diin gilaoman nga daghang kalihokan ang maghiusa sa mga lumulupyo ug bisita sa pagsaulog sa kultura, panaghiusa ug kalamboan sa Maragusan.










