Nasikop sa hiniusang operasyon sa Philippine Drug Enforcement Agency (PDEA) ug kapulisan ang usa ka 49-anyos nga lalaki human makumpiskar ang gibanabanang ₱115,600 nga kantidad sa gituohang shabu sa Purok Maligaya, Barangay Napoles, Bago City, alas-4:05 sa hapon niadtong Nobyembre 14. Giila lamang ang nadakpan sa alyas nga “JoJo,” nga giingong residente sa maong lugar.
Narekober sa operasyon ang siyam ka heat-sealed sachet sa gituohang shabu nga may gibug-aton nga mokabat sa 17 gramos, lakip ang marked buy-bust money, coin purse, cellphone ug government-issued identification card.
Atubangon sa suspek ang kasong paglapas sa Sections 5 ug 11, Article II sa Republic Act 9165 o Comprehensive Dangerous Drugs Act of 2002, nga naglangkob sa ilegal nga pagbaligya ug paghupot og dangerous drugs.
Photo courtesy:PDEA NIR










