Gipalig-on sa San Carlos City Government ang ilang pagpangandam aron masiguro nga magpadayon ang importanteng serbisyo publiko bisan panahon sa kalamidad, pandemya ug uban pang emerhensiya pinaagi sa upat ka adlaw nga Public Service Continuity Planning (PSCP) Workshop sa Talisay City gikan Nobyembre 16 hangtod 19.
Gipahigayon sa City Disaster Risk Reduction and Management Office (CDRRMO), kauban ang Office of Civil Defense – Negros Island Region (OCD-NIR), ang maong workshop aron maghimo og plano nga magsiguro sa padayon nga operasyon sa lokal nga pangagamhanan panahon sa krisis.
Lakip sa mitambong si Engr. Arthur A. Batomalaque, OCD-NIR DRRM Division Chief Aletha Nogra ug mga representante sa OCD Central Office. Pinaagi niini, gitinguha nga dili maputol ang mga batakang serbisyo nga gikinahanglan sa mga residente bisan panahon sa emerhensiya.
Photo courtesy: San Carlos City, Neg. Occ. -LGU Information Page










