Gipahimangnoan sa lokal nga panggamhanan sa Tagum City ang mga residente ilabi na ang mga pasahero sa mga Motorized Tricycle-for-Hire (MTH) nga sundon ang gitakdang pamasahe pinasikad sa City Ordinance No. 1020, Series of 2023.
Gipahibalo usab sa LGU nga adunay katungod sa 20 porsyentong diskwento sa kinatibuk-ang plete ang mga senior citizen, Persons with Disabilities (PWDs), ug mga estudyante.
Samtang, giawhag ang publiko nga ireport ngadto sa pinakaduol nga personnel sa Traffic Management Unit (TMU) ang mga drayber nga maningil og sobra sa gitakdang pamasahe.
Gikinahanglan nga ihatag sa mga moreklamo ang body number sa tricycle ug uban pang importanteng detalye aron matabangan ang mga otoridad sa pag-aksyon sa reklamo.
Gipatin-aw usab nga ang regular nga pamasahe magamit sa unang tulo ka kilometro, samtang adunay dugang nga duha ka pesos (₱2.00) sa matag kilometro nga molapas niini, bisan tipik lamang sa usa ka kilometro.
Giawhag ang tanang tricycle drivers sa Tsgum, nga mosunod sa gitakdang pamasahe aron mapanalipdan ang katungod sa mga pasahero ug malikayan ang sobra nga pagpabayad.
Photo Courtesy: City Government of Tagum










