Nagpanagtag ang Department of Trade and Industry ukon DTI Sultan Kudarat sang 25 mil ka coffee seedlings kag 50 ka sako sang abono sa Ragandang Farmers Association sa Barangay Ragandang, Lebak, Sultan Kudarat, sang Nobyyembre 9, 2026. Ang bulig nga ginpatigayon pinaagi sa RAPID Growth Project ang may timutuyo nga mapalapad ang kapehan sa may 50 ka ektarya nga duta.
Nagpasalamat naman si Ragandang Farmers Association President Angelito Igdanes sa bulig nga ginpaabot sang gobyerno, nga makabulig sa pangabuhian sang mga mangunguma. Samtang, gin-awhag ni Councilor Rosalito Delos Reyes ang mga benepisyaryo nga amligan kag gamiton sing husto ang mga seedlings kag abono.
Suno sa DTI, naglab-ot na sa isa ka 1, 977 ka mangunguma sa Lebak ang nakabenepisyo sa RAPID Growth Project, lakip ang mga nagatanom sang kape, kakaw kag lubi.
Photo courtesy:DTI Sultan Kudarat










