Gipahimangnoan ang publiko nga mangandam batok sa posibleng epekto sa El Niño, usa ka natural nga panghitabo sa klima nga hinungdan sa pagsaka sa temperatura ug pagkunhod sa pag-ulan. Mahimong moresulta kini sa kakulang sa tubig, pagkunhod sa produksiyon sa agrikultura, problema sa panglawas ug mas dakong risgo sa sunog sa mga komunidad.
Girekomenda ang pagtipig ug pagdaginot sa tubig, paglikay sa dili kinahanglang pagpabilad sa init, kanunay nga pag-inom og tubig, pagminus sa konsumo sa kuryente ug paglikay sa pag-usik sa pagkaon.
Giawhag usab ang tanan nga dili magpakaylap og bakak nga impormasyon ug kanunay nga mosunod sa mga pahibalo ug pahimangno gikan sa panggamhanan aron malikayan ang peligro panahon sa El Niño.
Photo courtesy: PLGU
