Nasakmit sa kapulisan ang kapin ₱115,000 nga kantidad sa gituohang shabu ug nadakpan ang usa ka drug suspect atol sa buy-bust operation sa Barangay Indangan, Davao City, alas 12:25 sa kaadlawon niadtong Nobyembre 10, 2026. Giila lamang sa alyas nga “Choy” ang suspek nga nadakpan sa Purok Santiago.
Narekober gikan kaniya ang 17 gramos nga gituohang shabu nga nagkantidad og ₱115,600 atol sa operasyon sa Police Station 17 (Baliok), kauban ang 2nd City Mobile Force Company ug PDEA XI.
Naa na sa kustodiya sa kapulisan ang suspek ug mag-atubang og kaso ubos sa Republic Act 9165 kun Comprehensive Dangerous Drugs Act of 2002.
Photo courtesy: DCPO
