Nagpasanyog sang pagbinuligay ang Department of Labor and Employment ukon DOLE Sultan Kudarat Field Office XII kag Integrated Bar of the Philippines ukon IBP Sultan Kudarat Chapter pinaagi sa pagpirma sang Memorandum of Agreement ukon MOA sang Nobyembre 10, 2026, agud masiguro ang paghatag sang libre nga legal nga serbisyo sa mga kliyente sang ahensya.
Pinaagi sa kasugtanan, magahatag ang mga abogado sang IBP Sultan Kudarat sang libre nga legal nga laygay kag assistance sa mga Overseas Filipino Workers ukon OFWs kag iban pa nga kliyente sang DOLE nga nagakinahanglan sini sa tion sang mga dagku nga programa kag aktibidad sang ahensya.
Ginpirmahan ang MOA nanday Mechelle O. Ignacio, Chief Administrative Officer kag Hepe sang DOLE Sultan Kudarat Field Office, kag Atty. Emelly H. Delos Santos, Presidente sang IBP Sultan Kudarat Chapter.
Pinaagi sa sini nga inisyatibo, ginapaabot nga mangin mas mahapos para sa mga mamumugon kag iban pa nga benepisyaryo ang pag-angkon sang legal nga bulig kag pagpalapit sa hustisya.
Photo courtesy: IBP- Sultan Kudarat Chapter
