Nagapabilin nga nagapanguna ang Sultan Kudarat State University ukon SKSU sa Scopus documents sa mga Higher Education Institutions sa Rehiyon Dose, suno sa datos nga ginpagwa sang GHF University Excellence, sang Oktubre 26, 2026.
Base sa report, nakapagkit ang SKSU sang 53 ka Scopus documents para sa 2026, nga nagdala sa kabug-usan nga 169 ka dokumento. Ginsundan sang Mindanao State University–General Santos City nga may 52 ka dokumento para sa 2026 kag 247 sa kabug-usan.
Samtang, ang University of Southern Mindanao may 51 ka dokumento sa sini nga tuig kag may pinakadamo nga dokumento sa kabug-usan nga 375.
Ang Scopus isa ka database sang mga scholarly publication kag research output nga nagaserbi nga sukdanan sang research productivity sang mga institusyon.
Photo courtesy: GHF University Excellence
