Nagtakop na ang first round sang Division Schools Press Conference ukon DSPC, nga naghatag sang kahigayunan sa mga Kabataan nga mamamahayag nga ipakita ang ila talento sa pagsulat, pag-usisa, kag pagbalita.
Sa pihak sang pressure kag malip-ot nga deadlines, ginapahanumdom ang mga partisipante nga ang journalism indi lamang kompetisyon para sa medalya, kundi isa ka responsibilidad nga maghatag sang insakto nga impormasyon kag tingog sa mga istorya nga dapat mabatian.
Gindumdom man ang importansya sang kamatuoran, integridad, kag kritikal nga paghunahuna sa tagsa ka artikulo nga ila ginahimo. Bisan magdaog ukon indi, ginapaabot nga madala sang mga kabataan ang mga leksyon kag eksperyensya sa pagpadayon sang responsable kag may prinsipyo nga campus journalism.
Photo courtesy: DepEd RXII SDO Tacurong City
