Nadakpan sa mga operatiba sa Criminal Investigation and Detection Group (CIDG) Surigao del Norte Provincial Field Unit, kauban ang Placer Municipal Police Station, ang dinakpan kanhi membro sa New peoples Army-NPA nga adunay kasong attempted murder sa lungsod sa Placer, Surigao del Norte.
Ang suspek 40 anyos, ulitawo, usa ka mag-uuma ug residente sa siyudad sa Cabadbaran, Agusan del Norte. Base sa rekord, nalista kini isip Top 3 Most Wanted Person sa municipal level ug naapil usab sa Periodic Status Report o PSR sa ikatulong kwarter sa tuig 2021.
Gipahigayon ang pagdakop sa Tracker Team sa CIDG Surigao del Norte PFU ubos sa OPLAN PAGTUGIS, pinaagi sa warrant of arrest nga giisyu niadtong Mayo 11, 2022, sa Executive Judge sa Regional Trial Court. Ang warrant may kalabotan sa kasong attempted murder ubos sa Criminal Case Number 7227, diin adunay gitugot nga P120,000 nga piyansa.
Gikustodiya na sa CIDG Surigao del Norte PFU ang suspek alang sa dokumentasyon ug hustong disposisyon sa kaso sa dili pa ibalik sa korte nga nag-isyu sa warrant.
