Arestado ang isa ka 25-anyos nga lalaki sa buy-bust operation sang kapulisan sa Barangay Paitan, Esperanza, pasado alas 9:30 sang gab-i, Oktubre 25, 2026. Suno sa Police Regional Office 12, narekober sa suspek ang tatlo ka sachet sang ginapatihan nga shabu nga may kabug-aton nga 14 gramos kag nagabalor sang P95, 200.00.
Narekober man ang buy-bust money nga 500 pesos, cellphone, kag motorsiklo nga wala sang plaka, lakip ang iban pa nga mga kagamitan. Ang suspek, residente sang Isulan, kag yara na sa kustodiya sang Esperanza Municipal Police Station.
Ginapreparar na ang kaso batok sa suspek bangud sa ginapatihan nga paglapas sa Sections 5 kag 11 sang Republic Act 9165 ukon Comprehensive Dangerous Drugs Act of 2002.
Photo courtesy: PNP Police Regional Office 12
