Abli pa ang Philippine Coconut Authority (PCA) Zamboanga del Norte alang sa mga kwalipikadong coconut farmers ug ilang mga dependent nga mo-aplay sa Scholarship Program for Coconut Farmers and Their Families o CoScho alang sa Academic Year 2026-2027.
Ang pagsumite sa aplikasyon ubos sa Coconut Farmers and Industry Development Plan o CFIDP gilugwayan hangtod Setyembre 30, 2026.
Lakip sa mga kurso nga mamahimong kuhaon mao ang Agriculture, Agribusiness and Rural Development; Fisheries, Forestry and Environmental Sciences; Engineering and Technology; Natural Sciences; Business, Economics and Development; ug Tourism. Lakip sa mga kurso ang BS Agriculture, BS Agricultural Engineering, BS Agribusiness, BS Fisheries, BS Forestry, BS Environmental Science, BS Mechanical Engineering, BS Information Technology, BS Biology, BS Economics, BS Social Work ug BS Tourism.
Gawas sa stipend nga mokabat og P7,000 matag bulan, adunay Book Allowance nga P2,000, ug Summer Class Allowance nga P5,000. Aduna usab og dugang nga mga benepisyo sama sa Thesis Allowance nga P25,000, Internship Allowance nga P10,000, ug Laptop Allowance nga P30,000, depende sa kwalipikasyon sa estudyante.
Alang sa incoming first-year college students o transferees, lakip sa mga kinahanglanon ang Notice of Admission gikan sa Higher Education Institution, proof of income, ug certification gikan sa eskwelahan nga nagpamatuod nga ang aplikante naka-enroll sa CoScho priority program ug wala makadawat og laing national government-funded scholarship. Alang sa dependents sa coconut farmers, gikinahanglan usab ang PSA Birth Certificate, academic records, NCFRS Certificate ug Certificate of Eligible Dependent gikan sa PCA, ug Certificate of Good Moral Character.
Giawhag sa PCA Zamboanga del Norte ang mga kwalipikadong coconut farmers ug ilang mga anak o dependents nga pahimuslan ang maong oportunidad.
Photo courtesy: PCA ZAMBOANGA DEL NORTE
