Nahulog sa kamot sa kapulisan ang usa ka High Value Individual (HVI) nga giilang si alyas “Paquito” ug ang iyang kauban atol sa gikasang drug buy-bust operation pasado ala 1:15 sa hapon niadtong Agosto 23, 2026 didto sa Purok Lower, Pulang Pantad, Barangay Badas, Mati City, Davao Oriental.
Ang operasyon gipatuman sa mga personahe sa Mati City Police Station kauban ang lain pang mga law enforcement agencies ug nasakmit gikan sa suspek ang mga gituohang shabu nga gibana banaang adunay standard drug price nga Php 81,600.00.
Human sa pagdakop gipahibalo ang akusado sa iyang mga katungod pinaagi sa pinulongan nga iyang nasabtan ug nahibal-an. Samtang kasong paglapas sa RA 9165 kun Comprehensive Dangerous Drugs Act of 2002 ang atubangon sa dinakpan ug anaa na sa kustodiya sa kapulisan alang sa tukmang disposisyon.
Photo Courtesy: Mati CPS
