Gikoronahan isip Miss Universe Thailand 2026 ang Thai-South African model nga si Tharina Botes, 29-anyos, sa grand coronation sa Bangkok niadtong Agosto 23.
Sa final question, gipangutana siya kung kinsang Miss Universe ang iyang inspirasyon. Ang iyang tubag: si Miss Universe 2018 Catriona Gray sa Pilipinas. Gidayeg ni Tharina ang confidence, pagka-articulate ug passion ni Catriona, ilabina ang iyang sikat nga “lava walk.”
Matud pa niya, inspirasyon kaniya ang pagpadayon ni Catriona bisan napakyas sa Miss World 2016, hangtod nga nakabalik ug nakadaog sa Miss Universe.
Si Tharina maoy usa sa mahimong makigsangka sa pambato sa Pilipinas nga si Bea Millan-Windorski sa 75th Miss Universe sa Puerto Rico karong Nobyembre 24.
Photo Courtesy: Pageant Afficionado
