Gidakop sa mga personahe sa Matalam Municipal Police Station ang duha ka indibidwal ug nasakmit ang 63 ka ream sa Fort White nga smuggled nga mga sigarilyo nga nagkantidad og gibanabanang ₱53,865.00 atol sa usa ka mobile patrol operation sa Barangay Kilada, Matalam, Cotabato, pasado alas 1:20 sa hapon niadtong Hulyo 25, 2026.
Giila ang mga suspek, nga sila alyas “Telon,” 38, ug “Tata,” 27, nga parehong residente sa Pikit, Cotabato, sakpan sa akto nga nagdiskarga sa mga kontra bando gikan sa usa ka itom nga sakyanan.
Gilayon dayon nga gihimong operasyon pinaagi sa koordinasyon sa usa ka examiner gikan sa Bureau of Customs (BOC), kinsa nagkumpirma sa maong mga smuggled nga sigarilyo.
Nasuta usab nga ang mga pakete sa sigarilyo walay mga legal nga graphic health warnings. Nasakmit sa kapulisan ang 63 ka ream sa Fort White nga sigarilyo ug ang usa ka itom nga mga kargamento.
Ang mga suspek anaa na karon sa kustodiya sa Matalam MPS samtang giandam na ang tukmang mga kaso nga ipasaka batok kanila.
Photo Courtesy: Matalam MPS
