Dead on arrival pag-abot sa ospital ang usa ka rider human maaksidente sa National Highway, Poblacion Uno, Bansalan, Davao del Sur. Base sa inisyal nga impormasyon, nagbangga ang usa ka Rusi Black Single nga motorsiklo ug usa ka L300 van.
Naila ang biktima nga si alyas Tering Mino, residente sa Barangay Bacong, Tulunan, North Cotabato. Gidala pa ang biktima sa Via Crucis Hospital apan gideklarang dead on arrival sa mga doktor nga miatiman kaniya.
Sa pagkakaron padayon pa ang imbestigasyon sa kapulisan aron matino ang hinungdan sa maong aksidente.
