Nadakpan ang drug suspek sa gikasang buy bust sa mga operatiba sa Surigao del Norte Provincial Drug Enforcement Unit ug PDEA Regional Office 13, sa Purok 3 Proper, Barangay San Juan, Surigao City.
Giila ang nadakpan nga si alyas “Jade” ug “Jegs,” 43 anyos, lalaki, High Value Individual (HVI) ug residente sa Purok 9 Navalca Street, Barangay San Juan, Surigao City.
Narekober gikan sa suspetsado ang usa ka pakete sa gidudahang shabu nga gibaligya sa poseur-buyer nga gibana-bana motimbang og 0.17 gramos nga adunay kantidad nga ₱1,156.
Nakuhaan usab og unom ka pakete sa gidudahang shabu nga gibana-bana motimbang og pito ka gramos nga nagkantidad og ₱47,600, lakip na ang ₱1,000 nga marked money ug usa ka brown wallet nga gituohang gigamit sa transaksiyon.
Sa kinatibuk-an, ang nakompiska nga gidudahang shabu gibana-bana motimbang og 7.17 gramos nga adunay kinatibuk-ang Standard Drug Price nga ₱48,756.
Ang tanang nakuhang ebidensya ug ang nadakpan nga suspetsado anaa na karon sa kustodiya sa Surigao del Norte Police Provincial Office alang sa hustong disposisyon ug pagsang-at sa tukmang kaso.
Photo Courtesy:SDNPPO
