Hugtanong gipatuman karon ang usa ka total ban sa cellular phones sulod sa tanang mga tunghaan sa lungsod sa Dumanjug, probinsya sa Sugbo epektibo kagahapong adlawa.
Atol sa usa ka emergency meeting, gimando ni Mayor Efren Guntrano “Gungun” Gica nga mas pahugtan pa ang disiplina sa mga polisiya sa tanang tunghaan sa lungsod human sa natigayong trahedya sa pagpamusil sulod sa usa ka tunghaan sa Tacloban City bag-ohay lang.
Nasayrang sugod kagahapong adlawa, Hunyo 24, gikumpiska na ang tanang cellphone nga gidala sa eskwelahan ug iuli lamang human sa klase.
Gipahibalo usab sa mayor nga mas estrikto nga mga patakaran pa gayud ang ilang ipatuman sugod sa Lunes Hunyo 29.
Gawas niini, hugot usab ang inspeksyon sa mga tunghaan ug ang pagban sa tanang matang sa hait nga mga butang ug mga hinagiban ang ilang ipatuman.
Photo courtesy: CBC
