GipildI sa Cebu Greats ang Bulacan Kuyas, 85-80, pinaagi sa overtime sa MPBL Season 2026 sa Alonte Sports Arena.
Pinaagi sa kadaugan, misaka sa 11-3 ang rekord sa Cebu ug napalugwayan ang ilang winning streak ngadto sa upat ka sunod-sunod nga kadaogan, nga nagbutang kanila sa ikapitong puwesto sa standings.
Nangulo sa Cebu si Wowie Escocio nga adunay 14 puntos ug siyam ka rebounds, samtang si Al Francis Tamsi miambag usab og 14 puntos. Naka-double-double si Dhon Reverente pinaagi sa 11 puntos ug 14 rebounds.
Nagpabiling dikit ang duwa hangtod sa katapusang hugna diin nakabawi ang Bulacan ug napugos ang duwa ngadto sa overtime, 76-all. Apan sa dugang nga lima ka minuto, gipangulohan ni Escocio ang kusog nga pag-atake sa Cebu aron maselyohan ang kadaugan.
Si Jeremy Cruz maoy nanguna sa Bulacan nga adunay 17 puntos ug 10 rebounds, apan dili kini igo aron mapugngan ang ikaupat nga sunod nga daog sa Cebu Greats.
Photo Courtesy: CDN DIGITAL
