Sa pagsaka sa presyo sa gasolina sa Russia, nakakita matud pa og bag-ong solusyon ang pipila ka mga motorista—dili para sa ilang kaugalingon, kundili para sa ilang sakyanan.
Patok karon didto ang gitawag nga “fuel tabs” o milagrosong pildoras nga ihulog lang sa tangke sa gasolina ug kuno makapamenos sa konsumo sa fuel. Ang uban pa gani nag-angkon nga mahimo kuno nilang himuong mas de-kalidad ang ordinaryong gasolina.
Apan sumala sa mga eksperto, wala pay lig-ong ebidensya nga tinuod ang mga saad sa maong pildoras. Posible pa gani nga makadaot kini sa makina kung dili husto ang reaksyon sa mga kemikal niini.
Tungod niini, nagkatawa ang mga netizens ug miingon nga basin sunod ani, dili na change oil ang kinahanglan sa sakyanan kondili vitamins ug maintenance medicine na usab.
Samtang wala pa mapamatud-an ang epekto sa “fuel tabs,” nagpabiling sigurado ang usa ka butang—ang wallet sa drayber maoy unang mo gaan.
Photo courtesy: Opuforty Mall
