Giakusahan sa usa ka independenteng komisyon sa United Nations (UN) ang Israeli security forces sa tinuyo nga pagpunting ug pagpatay sa mga batang Palestinian sa Gaza ug West Bank, lakip ang mga paglapas nga mahimong ikonsiderar nga crimes against humanity, war crimes, ug genocide.
Sumala ni Srinivasan Muralidhar, ang pamuno sa UN Independent International Commission of Inquiry, ang ilang pagsusi sa gubat sukad niadtong Oktubre 7, 2023, nagpakita og mga ebidensya nga ang maong mga pagpangatake posible nga timailhan sa intensyon nga papason ang populasyon sa Gaza.
Base sa datos sa report, gibanabana nga 30 porsyento sa mga nangamatay sa Gaza mga bata, diin kapin sa 20,000 ka mga bata ang natala nga nakabsan sa kinabuhi gikan Oktubre 2023 hangtod Oktubre 2025.
Gipunting usab sa komisyon nga ang padayon nga paggamit sa mga kusog nga explosive weapons sa mga dapit nga dasok sa sibilyan ang nag-unang rason sa hilabihan ka taas nga ihap sa mga bata nga nangamatay ug naangol sa maong panagbangi
Photo Courtesy: FMT
