Napalgang patay ang usa ka 19-anyos nga lalaki nga adunay duha ka samad pinusilan sa likod nga nga bahin sa lawas didto sa Purok 1, Forchacu 4, Barangay Malinao, Kalilangan, Bukidnon niadtong Hunyo 22, 2026, sa may alas 6:30 sa buntag.
Giila ang biktima nga si Raymark Jay Abot Guillano nga taga Purok 5, Dominorog, Talakag kinsa nakit-ang nagkulob sa yuta nga daling girespondihan sa mga kapolisan.
Sa gihimo nga pagproseso sa Bukidnon Provincial Forensic Unit (BPFU) sa crime scene, nakuha sa mga otoridad ang usa ka kabhang ug upat ka bala sa caliber 9mm nga armas.
Sumala sa mga residente sa maong dapit wala silay nadungog nga bisan unsang buto sa pusil sa wala pa nadiskubrehan ang patay’ng lawas samtang giklaro sa kapolisan nga dili kini inisdenti sa salvage.
Nagpadayon karon ang lawom nga imbestigasyon sa kapulisan aron ilhon ang suspetsado ug sutaon ang motibo sa maong krimen
Photo Courtesy: Kalilangan MPS
