Padayon nga naghatag og mga training ug orientation ang Zamboanga del Sur Local Health Insurance Office ngadto sa mga hospital billing clerks ug claims personnel aron mas masabtan nila ang hustong paggamit sa mga package code ug claim requirements sa ahensya.
Sa pakighinabi sa Juander Radyo News Team kang Chief Social Insurance Officer Arnyl Corpuz, gibutyag niini nga adunay quarterly forum nga ilang gipahigayon sa mga hospital aron mapahibalo ang mga bag-ong circular nga gipagawas sa ahensiya.
Dugang pa ni Corpuz, importante nga masabtan sa mga personnel sa hospital ang paggamit sa ICD-10 diagnosis codes ug mga package code nga gigamit sa pagproseso sa claims, aron masiguro nga ang mga miyembro makadawat sa tukma nga benepisyo ug deduction sa ilang hospital bill.
Pinaagi sa padayon nga pagbansay sa mga personnel sa hospital, gilauman sa ahensya nga mas mapaspas ang pagproseso sa claims ug mas daghang pasyente ang makapahimulos sa mga benepisyong gitanyag sa PhilHealth.
