Na-rescue sa wildlife rescue team sa DENR-12 ang usa ka babayeng Philippine freshwater crocodile, sa usa ka sapa sa Barangay San Isidro, Kidapawan City, niadtong nakalabay nga adlaw.
Adunay gitas-on ang buaya nga 5.7 feet ug gibug-aton nga 35 kilos, asa unang namatikdan sa usa ka 16-anyos nga residente. Gilayon kining gitaho sa mga otoridad ug luwas nga narekober sa rescue team.
Sumala sa DENR, wala kini nakit-ang samad ug gidala sa University of Southern Mindanao Wildlife Rescue Center, alang sa obserbasyon sa dili pa kini ibalik sa hustong pinuy-anan.
Ang Philippine freshwater crocodile usa sa labing talagsaon ug hulgaang matang sa buaya sa kalibotan ug protektado sa balaod.
Giawhag sa PENRO Cotabato ang publiko nga ipadayon ang pagtaho sa mga wildlife sightings ngadto sa tukma nga mga toridad, aron mapanalipdan ang mga endangered species.
Photo Courtesy:DENR Soccskargen
