Gipahigayon sa Local Government Unit sa Baganga pinaagi sa Municipal Environment and Natural Resources Office (MENRO), ang Eco-Kids Program sa Purok Aster, Barangay Lucod, Baganga, Davao Oriental niadtong nakalabay nga adlaw.
Ang maong kalihokan gitumong sa pagpasiugda sa hustong pagdumala sa basura samtang nagsuporta sa panginahanglanon sa edukasyon sa mga bata pinaagi sa pagbayloay sa mga basura alang sa mga gamit sa eskwelahan.
Nagpasalamat usab ang mga ginikanan sa paggiya ug pagdasig sa mga gagmay nga eco-heroes sa ilang gipakita nga suporta ug pag atiman.
Ang maong aktibidad nagsilbi nga giya alang sa mga kabataan sa husto nga paglabay o pagdumala sa mga basura aron nga magpabiling limpyo ang lugar ug maatiman ang kinaiyahan.
Photo Courtesy: Municipality of Baganga
