Mapasalamaton nga gidawat sa mga miyembro sa Juander Radyo Loyalista Incorporated ang Death Assistance nga mokantidad og 5,000 mil ka pesos isip tabang pinansyal sa mga namatayang pamilya.
Gi-awhag ang tanan nga wala pa nahimong miyembro sa maong organisasyon nga magpa-miyembro na, tungod kay libre kini alang sa tanan ug walay registration fee.
Apan, kung miyembro na, adunay obligasyon nga motabang og 10 sentimos matag miyembro kung adunay kaubanan sa organisasyon nga motaliwan.
Ang kantidad nga matigom ipanghatag aron matabangan ang pamilya sa namatay og ₱5,000 nga cash assistance.
Ang maong grupo gimugna aron motabang sa mga kabus nga pamilya nga namatyan og mahal sa kinabuhi, aron adunay gamay nga ikatabang sa pagpalit sa mga unang panginahanglanon alang sa haya.
Gi-awhag usab ang tanan nga mahimong koordinator aron mas daghan pa ang matabangan. Ang mga koordinator mahimo usab magpa-miyembro sa ilang mga kapamilya o kaila bisan gikan sa laing mga syudad ug rehiyon aron mapalapad ang tabang.
Alang mahimong koordinator, kinahanglan adunay minimum nga 100 ka miyembro. Ang koordinator makadawat usab og 100% nga benepisyo sama sa Medical Cash Assistance. Apan kung ang koordinator mismo ang motaliwan, ang iyang pamilya makadawat og kinatibuk-ang ₱13,000 nga cash assistance, lakip na ang bulak, kape, ug pan.
