Nanawagan na usab si Pope Leo XIV sa mga lider sa mga nasud sa Middle East nga makigsabot aron tapuson ang panagbangi.
Sumala sa Santo Papa, ang mga responsable sa panagbangi kinahanglan maghunahuna sa dili maayo nga mga sangputanan sa gubat.
Kinahanglan adunay ceasefire nga sundan dayon sa mga panagsabot aron wala nay kinabuhi nga makalas pa.
Gihatag sa Santo Papa ang ehemplo sa gubat sa Lebanon diin daghang kinabuhi ang nawala ug daghang mga kabtangan ang naguba.
Mahinumduman nga balik-balik nga nanawagan ang Santo Papa sa mga lider sa Israel, US ug Iran nga ihunong ang away tungod sa nagkadaghan nga mga nasud nga naapektuhan.
Photo Courtesy: OSV News
