Gipadayag sa Provincial Local Government Unit of Misamis Oriental ang ilang pagkadismaya human gi-override sa Sangguniang Panlalawigan ang partial veto ni Juliette T. Uy sa 2026 budget.
Sumala kang Popoy Abucejo, Special Assistant to the Governor, adunay mga isyu ug punto nga kinahanglan pa gyud klarohon aron mas masabtan sa publiko ang tinuod nga kahimtang ug mga rason sa desisyon.
Dugang pa niya, gilauman na sa gobernador ang posibilidad nga i-override sa SP ang iyang partial veto, ilabina kung ang basehan niini may kalabotan sa politika.
Bisan pa niini, giingon sa PLGU nga importante gihapon ang klaro nga komunikasyon ug pagsabot sa publiko kabahin sa mga isyu nga naglibot sa 2026 budget sa probinsya.
