Nipahimangno ang Department of Social Welfare and Development (DSWD) batok sa mga maningil og processing fee baylo sa Php5,000 nga cash assistance alang sa mga drayber.
Taliwa kini sa mga report nga adunay mga indibidwal ang naningil og Php500 sa dili pa ihatag ang ayuda.
Matod ni DSWD Secretary Rex Gatchalian nga kinahanglan i-report dayon ngadto sa mga awtoridad ang si kinsang maningil og bayad tungod walay kinahanglan bayaran ang mga dryaber aron madawat ang Php5000 nga ayuda.
Gipasabot sa kalihim nga ang mga local nga kagamhanan nihimo og talaan sa mga benepisyaryo kung diin lakip ang mga drayber nga adunay lehitimo nga lisensiya ug permit sa pag-operate.
Dugang pa ni Gatchalian nga ang driver’s license ug photocopy lang niini ang kinahanglan aron makakuha og Php5,000 nga cash assistance.
