Napildi ang Filipino boxing legend nga si Nonito Donaire Jr. batok kang Riku Masuda sa ilang bantamweight title eliminator sa Yokohama, Japan.
Misurinder ang kampo sa 43-anyos, nga boksidor human giitsa nila ang puti nga towel pag-abot sa ika walo nga round. Sukad pa lang sa pagsugod sa away, gipaulanan na og mga suntok sa batan-ong Hapon si Donaire.
Nakabawi gamay si Donaire sa ikalimang round diin iyang gisuntok ang 28-anyos nga Hapon, gamit ang iyang left hook gisundan sa right hook. Pagsulod sa ikaunom nga round, nakabawi si Masuda ug natumba pa ang Pilipinong boksidor.
Kini ang ikaduhang sunod-sunod nga kapildihan ni Donaire, karon aduna na siyay rekord nga 43 ka daog ug 10 ka pildi nga adunay 28 ka knockouts samtang si Masuda adunay 10 ka daog ug usa ka pildi.
Kahinumduman nag niadtong Disyembre, napildi si Donaire kang Seiya Tsutsumi sa Japan pinaagi sa split-decision.
Photo Courtesy: bigfightweekend
