Gikumpirma ni Philippine Army 4th Infantry Diamond Division Spokesperson Major. Joe Patrick Martinez nga adunay kapin kon kulang 50 ka mga sundalong amerikano ang miabot sa Dakbayan sa Cagayan de Oro nga anaa karun sa Lumbia Airbase.
Apan giklaro ni Major Martinez nga wala kini kalabutan sa Giyera sa Middle East, sanglit tumong sa pagbisita sa U.S Troops aron mosalmot sa joint Humanitarian Assistance ug Disaster Response training kauban ang mga sundalo nga pinoy.
Gipasabot sa opisyal nga wala kitay angayan ikabalaka tungod kay layo ra kaayo ang Cagayan de Oro sa kagubot sa Middle East.
