Nadakpan ang usa ka lalaki sa drug buy-bust operation sa kapulisan sa Purok Rising hope, Barangay Estaka, Dipolog City, Zamboanga Del Norte niadtong nakalalabay nga adlaw.
Wala na hinganli ang dinakpan, 24-anyos, ulitawo, ug residente sa Rizal Ave., susamang barangay.
Nasakmit gikan sa suspetsado ang dakong pakete nga dunay sulod pinaugang dahon sa marijuana, 500 peso bill nga gigamit isip buy bust money ug uban pang mga non-drug item.
Motimbang sa 10 gramos ang nasakmit nga marijuana gikan sa dinakpan nga nagkantidad ug Php1,200.00.
Tingkagol sa selda sa Dipolog City Police Station ang dinakpan ug mag-atubang sa kasong paglapas sa RA 9165 kon Comprehensive Dangerous Drugs Act of 2002, samtang ang mga nasakmit ng ebidensya giturnover sa ZDN Provincial Forensic Unit alang sa eksaminasyon.
