Niatras ang national football team sa Iran sa umaabot nga FIFA World Cup nga pagahigayonon sa United States.
Sumala kang Ahmad Donyamali, minister of Sports and Youth sa Iran, nakahukom ang team nga dili na motungha sa maong torneo tungod sa nagpadayon nga tensyon ug pag-atake nga giingong gihimo sa Israel ug sa United States.
Dugang pa niya nga naapektuhan usab ang moral sa nasod human namatay ang ilang Supreme Leader nga si Ali Khamenei sa giingong hiniusang pag-atake sa US ug Israel.
Ang Iran unta ang usa sa unang mga nasod nga nakalusot sa qualification tournament alang sa World Cup. Ang sunod nga edisyon sa FIFA World Cup pagahigayonon gikan Hunyo 11 hangtod Hulyo 19, nga pagahostan sa United States, Mexico ug Canada.
Photo courtesy: Reuters
