Gideklarang Athlete of the Year ang dekalibreng weightlifter nga si Elreen Ann Ando atol sa ika-40th Sports Association Cebu – SMB Cebu Sports Awards nga gipahigayon sa Ayala Center Cebu Activity Center.
Gihatag kang Ando ang labing taas nga pasidungog sa Sportswriters Association of Cebu tungod sa iyang mabungahong kampanya sa niaging tuig diin nakakuha siya og gold medal sa Southeast Asian Games, tulo ka silver medals sa Asian Weightlifting Championships, ug bronze medal sa IWF World Weightlifting Championships.
Mirepresentar na usab si Ando sa Pilipinas sa duha ka sunod-sunod nga Olympics ang 2020 Summer Olympics sa Tokyo ug ang 2024 Summer Olympics sa Paris.
Ang 27-anyos nga atleta, nga gikan sa Barangay Carreta syudad sa sugbo, padayon nga naghatag og garbo sa Sugbo ug sa tibuok Pilipinas pinaagi sa iyang mga kalampusan sa internasyonal nga kompetisyon.
