Arestado ang usa ka lalaki human nadakpan sa mga otoridad atol sa gikasang operasyon sa Purok Yahuno, Brgy. Alegria, Cateel, Davao Oriental niadtong nakalabay nga adlaw.
Gihimo ang maong operasyon pinaagi sa pagpanguna sa mga personahe sa Cateel Municipal Police Station uban ang laing mga operatiba nga nagresulta sa pagkasikop ni alyas “RY”, 57- anyos, giklasipikar nga Top 6 Most Wanted Person sa Provincial Level ug lumolopyo sa nahisgutang lugar.
Ang suspek naaresto pinaagi sa pagpatuman sa warrant of arrest alang sa kasong Rape ilalom sa Art. 266-A nga maykalabotan sa Art. 266-B sa RPC sa RA 8353 ug walay pyansang girekomendar ang korte.
Gipasabot usab ang dinakpan sa husto sa kapulisan sa iyang katungod pinaagi sa pinulongan nga iyang nahibal. Sa kasamtangan ang akusado gikustodiya na sa Cateel Municipal Police Station alang sa hustong disposisyon.
Photo Courtesy: PCR CATEEL
