Gibanabana nga moabot sa 2,400 nga mga tanom sa marijuana nga mobalor sa ₱480,000 ang gisunog sa mga awtoridad atol sa gipahigayon nga operasyon sa Sitio Guindawahon sa Barangay Sudlon II sa Dakbayan sa Sugbo.
Ang operasyon gipangulohan sa Philippine National Police Drug Enforcement Group – Special Operation Unit 7 inabagan sa Philippine Drug Enforcement Agency Regional Office 7, RIU 7, IG, and IMEG VFU.
Ang maong mga tanom nga marijuana adunay kadak-on nga 2000 square meter area. Giibot, gisunog on-site ug gisprayhan usab og herbicide ang lugar aron malikayan ang pagtubo pagbalik niini.
Wala usab nasikop atol sa maong operasyon ang tag-iya sa tanom nga marijuana, dugang sa mga awtoridad nga natapos ang operasyon nga walay problema.
